काठमाडौं– राष्ट्रिय स्वतन्त्र पार्टी(रास्वपा)का उपसभापति डीपी अर्यालले सभामुखमा निर्वाचित भए न्यायसम्मत रुपमा काम गर्ने बताएका छन् ।
सभामुख पदका लागि उम्मेदवारी दर्ता गराएपछि शुक्रबार सिंहदरबारमा सञ्चारकर्मीसँग कुरा गर्दै अर्यालले सभामुखको काम, कर्तव्य र अधिकार संविधान र कानुनले नै निर्धारण गरेको भन्दै आफू त्यही अनुसार अघि बढ्ने बताएका हुन् ।
उनले नेपाली जनताको हितमा र राष्ट्रियताको हितमा व्यवस्थापिकाले गर्नुपर्ने कामलाई अघि बढाउने समेत बताए ।
प्रतिनिधिसभामा आइतबार सभामुख पदको निर्वाचन हुँदै छ ।
प्रतिक्रिया