काठमाडौं- जेन-जी आन्दोलन र फागुन २१ को चुनावी धक्काले करिब थला परेको नेकपा एमालेमा नेतृत्व परिवर्तनको बहस तीव्र भएको छ ।

खासगरी सुहाङ नेम्बाङलाई संसदीय दलको चुनाव लड्न नदिन अध्यक्ष केपी शर्मा ओली र महासचिव शंकर पोखरेलसहितले गरेको हर्कतका कारण आजित युवाहरूले नेतृत्व परिवर्तनको बहस चर्काएका हुन् ।

महासचिव पोखरेलको पुत्लासमेत जलाएका युवाहरूले शुक्रबार च्यासलमा बस्न लागेको सचिवालय बैठकमा सहभागी हुन पुगेकाा नेताहरूलाई फूलको थुंगा दिएका छन् ।

उनीहरूले अब यही शैलीमा एमाले चलिरहे सकिने भन्दै प्रदर्शनलाई निरन्तरता दिँदै शुक्रबार फूलको थुंगा बाँडेका हुन्। उनीहरूले सचिवालय सदस्यहरूलाई फूल दिएर दबाब बढाएका हुन् ।

तस्बिरहरू : नेपाल फोटो लाइब्रेरी