काठमाडौं – रुसका विदेशमन्त्री सेर्गेइ लाभरोभले सोमबार रूसको निकट सहयोगी क्युबामाथि आर्थिक र सैन्य दबाब ‘अस्वीकार्य’ भएको बताएका छन्।

अमेरिकी राष्ट्रपति डोनल्ड ट्रम्पले क्युवालाई तेल बेच्ने देशमाथि थप कर लगाउने चेतावनी दिने कार्यकारी आदेशमा हस्ताक्षर गरिसकेका छन्।

क्युबाका राष्ट्रपति मिगेल डियाज–कनेलले क्युबाविरूद्धको यो कदमको निन्दा गर्दै देशको अर्थतन्त्रलाई तहसनहस पार्ने प्रयास भनेका छन्।

क्युबाका समकक्षी ब्रुनो रोड्रिगेजसँगको कुराकानीमा लाभरोभले ‘क्युबामाथि आर्थिक र सैन्य दबाबको अस्वीकार गर्ने बताएका थिए भने क्युवामा ऊर्जा आपूर्तिमा अवरोध गरिनु बेठिक हुने कुरा प्रष्ट पारेका थिए।

रुसी मन्त्रीले टापुमा ऊर्जा आपूर्तिमा अवरोधले सार्वभौम एक देशको आर्थिक र मानवीय अवस्थालाई गम्भीर रूपमा बिगार्ने खतरा रहेको बताएका छन्।

उहाँले ‘क्युवालाई आवश्यक राजनीतिक र भौतिक सहयोग जारी राख्ने मस्कोको दृढ प्रतिबद्धता’ दोहोर्याउनुभयो।

एएफपीका क्युवा संवादाताका अनुसार क्युवालाई तेल बेच्ने देशमाथि थप कर लगाउने अमेरिकाको चेतावनीपछि हवानास्थित ग्यास खरिद् र भण्डारणका लागि स्टेशनहरूमा क्युबालीहरू लामो लाइनमा उभिने गरेका छन्।

अमेरिकाले भेनेजुएलाका राष्ट्रपति निकोलस मदुरोलाई सत्ताच्युत गरेपछि वासिङ्टन र हवानाबीचको तनाव पनि बढेको छ।

सन् १९९१ मा सोभियत सङ्घको पतनपछि सबैभन्दा गम्भीर आर्थिक संकटको सामना गरिरहेको क्यारेबियन टापु क्युवामा पहिले नै बारम्बार प्रतिवन्धको सामना गरिरहेको छ।