काठमाडौं – पाँच पटकको विश्व च्याम्पियन ब्राजिलले अन्तर्राष्ट्रिय मैत्रीपूर्ण खेलमा भारतलाई ४–० गोलले पराजित गरेको छ । शनिबार कोलकातास्थित विवेकानन्द युवा भारती क्रिराङ्गनमा भएको खेलमा ब्राजिलले पहिलो हाफमै दुई गोलको अग्रता बनाएको थियो ।

ब्राजिलका लागि एस्टेभाओले २८औँ मिनेटमा गोल गर्दै टोलीलाई अग्रता दिलाए। ४२औँ मिनेटमा पेड्रोले गोल थपेपछि ब्राजिल पहिलो हाफमा २-० ले अघि रह्यो।

दोस्रो हाफमा पनि ब्राजिलले दबाब कायम राख्यो। ५८औँ मिनेटमा सामुएल लिनोले गोल गर्दै अग्रता ३-० मा पुर्‍याए। त्यसपछि लिनोले नै अर्को गोल थप्दै ब्राजिललाई ४-० को सहज जित दिलाए।

यो भारत र ब्राजिलबीचको पहिलो अन्तर्राष्ट्रिय भेटसमेत थियो। भारतले पाँच पटकको विश्व च्याम्पियन ब्राजिलसँग खेल्ने अवसर पाएको यो खेललाई भारतीय फुटबलका लागि महत्वपूर्ण अवसरका रूपमा हेरिएको थियो।