काठमाडौँ– बाढीपहिरोका कारण देशका विभिन्न मुख्य राजमार्ग तथा सडकहरु अवरुद्ध रहेका छन् । नेपाल प्रहरीले दिएको पछिल्लो विवरण अनुसार पाँच जिल्लाका मुख्य राजमार्ग तथा सडकहरु अवरुद्ध रहेका छन् ।
प्रहरीका अनुसार रसुवा, मनाङ, म्याग्दी, नवलपरासी पूर्व र हुम्लाका राजमार्गहरु बाढी र पहिरोले प्रभावित बनेका हुन् । बाढीका कारण रसुवाका सबै मुख्य राजमार्गहरू अर्को सूचना नभएसम्मका लागि पूर्ण रूपमा बन्द रहेका छन् ।
यस्तै, मनाङको बेशीसहर हुँदै खाङसारसम्म जाने सडक, म्याग्दीको बेनी जोमसोम सडकखण्ड र हुम्लाको सिमकोट हिल्सा सडक पूर्ण रुपमा अवरुद्ध रहेका छन् ।
यता, नवलपरासी पूर्वको कालीगण्डकी करिडोर सडक एकतर्फी रुपमा सञ्चालनमा रहेको प्रहरीले जनाएको छ ।
प्रतिक्रिया