काठमाडौं– विश्वको सर्वोच्च शिखर सगरमाथाको १० पटकसम्म सफल आरोहण गरेका रास्वपा सांसद मिङ्मा ग्याबु शेर्पालाई सम्मान गरिएको छ । 

सङ्घीय संसद्को ‘लोगो’ सहित १० औँ पटक सगरमाथा आरोहण गरेका सांसद शेर्पालाई मंगलबार संघीय संसद् सचिवालयले सम्मान गरेको हो । 

कार्यक्रममा सभामुख डीपी अर्याल, राष्ट्रिय सभा अध्यक्ष नारायण प्रसाद दाहालले प्रमाणपत्र सहित सम्मान गरेका थिए । 

सम्मानपछि हिमाल आरोही सांसद शेर्पाले आफूले हिमाल चढ्दा धेरै समस्या र चुनौती देखेको भन्दै अव त्यसलाई समाधान गर्न ध्यान केन्द्रित गर्ने बताए । उनले संसारभर हालसम्म ७० वटा हिमाल आरोहण गरिसकेको धारणा राखे । 

शेर्पाले पछिल्लोपटक जेठ १३ गते बुधबार बिहान ५ बजेर ४० मिनेटमा सगरमाथाको सफल आरोहण गरेका थिए । यसपटक ‘सदनदेखि शिखरसम्म’ भन्ने नाराका साथ सांसद शेर्पा सगरमाथा आरोहण गरेका थिए  ।