काठमाडौँ – पाँच दिने भारत भ्रमणमा पुगेका राष्ट्रिय स्वतन्त्र पार्टी (रास्वपा) का सभापति रवि लामिछालाई भारतीय जनता पार्टी (भाजपा)ले भव्य स्वागत गरेको छ ।
नयाँ दिल्लीस्थित भाजपा मुख्यालय पुगेका लामिछाने नेतृत्वको प्रतिनिधिमण्डललाई बाजागाजा र पुष्पवर्षासहित स्वागत गरिएको हो ।
मुख्यालयमा उनलाई भाजपाका नेता एवम् नेपाल मामिलाका जानकार नितिन नवीन लगायतले स्वागत गरेका हुन् ।
मुख्यालयमा पुगे लगत्तै रविले नवीनसँग भेटवार्ता सुरु गरेका छन् । भेटघाटमा भाजपाका अन्य उच्च नेताको सहभागिता रहेको छ ।
लामिछानेले आजै भाजपा मुख्यालयमा भारतीय विदेशमन्त्री एस. जयशङ्करसँग पनि भेटघाट गर्ने कार्यक्रम तय भएको छ ।
प्रतिक्रिया