काठमाडौँ – ५० वर्षभन्दा बढी समयपछि चन्द्रमाको परिक्रमा गर्ने पहिलो मिशन ‘आर्टेमिस–२’ ले सफलतापूर्वक उडान भरेको छ।

नासाले यसलाई अद्भूत दृश्य भनेको छ । पृथ्वीको कक्षमा नासाको अन्तरिक्षयान, १० दिने चन्द्र यात्रा सुरु गरेको हो ।

चार अन्तरिक्षयात्री बोकेर उडेको नासाको रकेटलाई उसले मानवताका लागि एक ऐतिहासिक उडान भनेको छ ।

प्रक्षेपणपछिको पत्रकार सम्मेलनमा नासाका एक अधिकारीले चालक दलका सदस्य ‘सुरक्षित र उच्च मनोबलमा’ रहेको जानकारी दिएका छन्।

उडान भरेको केही समयपछि अन्तरिक्षयात्री रीड वाइजम्यानले भने, ‘दृश्य अद्भूत छ, हामीले चन्द्रमा उदाएको निकै सुन्दर दृश्य देख्यौँ।’

बिबिसीका विज्ञान सम्पादकका अनुसार, प्रक्षेपण यति शक्तिशाली थियो कि रकेट उड्दाको बल शरीरभित्रै महसुस गर्न सकिन्थ्यो।

उडान भर्नुअघिका प्राविधिक समस्याहरू समाधान गर्दै ‘गो फर लन्च’ सम्मको घटनाक्रमलाई हाम्रा विज्ञान संवाददाताले समेटेका छन्।

१० दिने यस मिशनमा रहेका चार अन्तरिक्षयात्री चन्द्रमामा ओर्लिने भने छैनन्। उनीहरूले चन्द्रमालाई घेरेर परिक्रमा गर्नेछन्। यस क्रममा उनीहरू पृथ्वीबाट अहिलेसम्मकै सबैभन्दा टाढाको दूरीसम्म पुग्ने योजनामा छन्।