काठमाडौं– गायिका विष्णु माझीले तीज गीत ‘घरबार’ ल्याएकी छन् । हरेक तीजमा नयाँ गीत ल्याउने गरेकी उनले बुधबार नयाँ गीत सार्वजनिक गरेकी हुन् ।
उनले यो पटक पनि आफ्नो पुरानै छविलाई निरन्तरता दिएकी छन् । उनले महिना सहनशीलताबारेको गीत ल्याएकी हुन् ।
वैदेशिक रोजगारीका क्रममा श्रीमान् अपाङ्ग भएपछि दैनिकीमा आएको कष्टबारेमा गीतको भिडियो बनेको छ । गीतको भाव विपरीतको भिडियो निर्माण गरी ‘महिला सहनशक्ति’ देखाउन खोजिएको छ ।
यस गीतको रचनाकार र संगीतकार सुन्दरमणि अधिकारी हुन् । उनकै निर्देशनमा भिडियो तयार भएको हो ।
गायिका माझी गोप्य जीवनशैलीले दर्शकको चासोमा रहेकी कलाकार हुन् । यस कारण पनि उनको सिर्जनाले बजारमा बढी चर्चा पाउँछन् । उनले दर्जनौं लोकप्रिय गीत दिएकी छन् ।
भिडियो :
प्रतिक्रिया