काठमाडौँ – रसुवा र नुवाकोटलाई केन्द्र बनाएर आएको भीषण बाढीका कारण उत्पन्न विपत्ति र शोकलाई मध्यनजर गर्दै आन्तरिक राजस्व विभागले भदौ १६ गते हुने भनिएको करदाता प्रोत्साहन पुरस्कार घोषणा कार्यक्रम स्थगित गरेको छ ।
विभागले चालु आर्थिक वर्षदेखि हरेक महिनाको १ गते र १६ गते नियमित रूपमा करदाता प्रोत्साहन पुरस्कार घोषणा गर्दै आएको थियो । तर, पछिल्लो प्राकृतिक विपद्का कारण भदौ १६ गतेको कार्यक्रम स्थगित गरिएको लाजिम्पाटस्थित आन्तरिक राजस्व विभागले जनाएको छ ।
विभागका अनुसार स्थगित भएको १५ दिनसहित भदौ महिनाभरिको करदाता प्रोत्साहन पुरस्कारको विजेता आगामी असोज १ गते एकैपटक घोषणा गरिने निर्णय भएको छ ।
प्रतिक्रिया