रुपन्देही – राष्ट्रिय प्रजातन्त्र पार्टी (राप्रपा) रुपन्देहीले निर्वाचन क्षेत्र नं. २ का सभापति रामबहादुर थापालाई पार्टीबाट निलम्बन गरेको छ।
जिल्ला कार्य समिति रुपन्देहीद्वारा जारी पत्रअनुसार पार्टीको नीति तथा हितविपरीत व्यक्तिगत रूपमा आर्थिक प्रलोभनमा परी नेपाली कांग्रेसका उम्मेदवारलाई समर्थन गरेको आरोप थापामाथि लगाइएको छ । पार्टीका अनुसार थापाको उक्त गतिविधि अत्यन्तै दुःखद तथा निन्दनीय रहेको उल्लेख गरिएको छ।
पत्रमा भनिएको छ, ‘पार्टीको निर्देशनविपरीत व्यक्तिगत सम्झौता गर्दै संगठनलाई हानी–नोक्सानी पुर्याउने कार्य गरेको ठहर गर्दै आजकै मितिदेखि उनलाई निलम्बन गरिएको हो।’ यस विषयमा थापाको आधिकारिक प्रतिक्रिया भने सार्वजनिक भएको छैन।
प्रतिक्रिया