काठमाडौं- उत्तर कोरियाले इरानमाथि अमेरिका र इजरायलले गरेको आक्रमणलाई अवैध सैन्य हस्तक्षेप र राष्ट्रिय सार्वभौमसत्ताको गम्भीर उल्लंघन भन्दै कडा निन्दा गरेको छ ।
उत्तर कोरियाली सरकारी समाचार एजेन्सी केसीएनएका अनुसार त्यहाँको विदेश मन्त्रालयका प्रवक्ताले यस आक्रमणलाई अमेरिकाको आधिपत्य र गुण्डागर्दी शैलीको स्वभाविक परिणाम भएको बताएका छन् ।
इरान विरुद्धको यस कारबाहीमा अमेरिकी संलग्नता पहिले नै अपेक्षित रहेको बताउँदै उत्तर कोरियाले अमेरिका र इजरायलको यो आक्रामक युद्ध कुनै पनि परिस्थितिमा स्वीकार्य नहुने स्पष्ट पारेको छ ।
इरानको समर्थनमा उभिएको उत्तर कोरियाले यो कदमले विश्व शान्ति र स्थिरतालाई चुनौती दिएको समेत उल्लेख गरेको छ ।
प्रतिक्रिया