दुबई- संयुक्त अरब इमिरेट्स (यूएई) को रक्षा मन्त्रालयले शनिबार इरानले आफ्नो देशमाथि १३७ वटा मिसाइल र २०९ वटा ड्रोन प्रहार गरेको जनाएको छ।

आबु धाबी इन्टरनेशनल एयरपोर्टमा भएको आक्रमणमा एक जनाको मृत्यु भएको छ। उक्त घटनामा सात जना घाइते भएका छन् ।

विश्वकै व्यस्त विमानस्थलमध्ये पर्ने दुबई इन्टरनेशनल एयरपोर्टलाई पनि निशाना बनाइँदा उक्त हताहती भएको हो ।

यसैबीच इरानले दुबईस्थित जेबेल अली पोर्टमा पनि आक्रमण गरेको यूएई सरकारले जनाएको छ।

आक्रमणपछि बन्दरगाह क्षेत्रबाट धुवाँको मुस्लो उठेको देखिएको छ। यसअघि इरानले साउदी अरेबियाको राजधानी रियादमाथि पनि आक्रमण गरेको जनाइएको थियो।

त्यसैगरी बुर्ज खालिफा नजिक यूएईको हवाई प्रतिरक्षा प्रणालीले एउटा ड्रोनलाई खसालेको रक्षा मन्त्रालयले जनाएको छ।