काठमाडौं – प्रिमियर लिग अन्तर्गत शनिबार राति भएको खेलमा चेल्सीले वेस्ट ह्याममाथि पुनरागमन जित निकालेको छ।
खेलको सातौं मिनेटमा अग्रता लिएको वेस्ट ह्यामले ३६ औं मिनेटमा दोस्रो गोल गर्दै अग्रता दोब्बर बनाएको थियो ।
पहिलो हाफमा २–० ले पछाडि परेको चेल्सीले उत्कृष्ट पुनरागमन गर्दै खेलमा रोमाञ्चक जित निकालेको हो ।
रोमाञ्चक बनेको खेलको ५७ औं मिनेटमा जोआओ पेट्रोले चेल्सीका लागि पहिलो गोल गरे भने ७० औं मिनेटमा कार्क कुकुरेल्लाले बराबरी गोल फर्काए ।
खेलको अन्तिम अर्थात् निर्णयक गोल भने अतिरिक्त समयको दोस्रो मिनेटमा चेल्सीका एन्जो फर्नाान्डेजले गरे ।
पहिलो हाफमा २–० ले पछाडि परेको चेल्सी उत्कृष्ट पुनरागमन गर्दै ३–२ गोल अन्तरले विजयी भएको हो ।
प्रतिक्रिया