काठमाडौं – अफगानिस्तान क्रिकेट बोर्डले आईसीसी पुरुष टी-२० विश्वकप २०२६ का लागि टिमको घोषणा गरेको छ। भारत र श्रीलंकामा आयोजना हुने विश्वकपका लागि राशिद खानको कप्तानीमा १५ सदस्यीय टोली घोषणा गरेको हो।

अफगानिस्तानको टोलीमा कप्तान राशिदसँगै मोहम्मद नबी, नूर अहमद, अब्दुल्लाह अहमदजाई, सिदिकुल्लाह अतल, फजलहक फारुकी, रहमानुल्लाह गुरबाज, नवीन उल हक, मोहम्मद इसहाक, शाहिदुल्लाह कमाल, गुलबदिन नाइब, अजमतुल्लाह उमरजाई, मुजीब उर रहमान, दारविश रसूली र इब्राहिम जद्रान छन्। अफगानिस्तानले रिजर्भ खेलाडीमा एएम गजनफर, इजाज अहमदजाई र जिया उर रहमान शरिफीलाई राखेको छ।

अघिल्लो सिजन सेमिफाइनलसम्म पुगेको अफगानिस्तान यसपटक न्युजिल्यान्ड, दक्षिण अफ्रिका, क्यानडा र यूएईसँग समूह ‘डी’ मा छ।

अफगानिस्तानले विश्वकप अगाडि वेस्ट इन्डिजविरुद्धको टी-२० अन्तर्राष्ट्रिय शृंखला खेल्नेछ। विश्वकप घोषणा भएको टिमले नै यो शृङ्खला खेल्ने समाचारमा उल्लेख गरिएको छ।