काठमाडाैँ – पाकिस्तान एसियन गेम्स अन्तर्गत पुरुष क्रिकेट प्रतियोगिताको फाइनलमा प्रवेश गरेको छ। जापानको निशिनमा बिहीबार भएको पहिलो सेमिफाइनल खेलमा बंगलादेशलाई ६ विकेटले पराजित गर्दै पाकिस्तानले उपाधि नजिक यात्रा तय गरेको हो।
वर्षाका कारण खेललाई १३ ओभरमा घटाइएको थियो। टस हारेर पहिले ब्याटिङ गरेको बंगलादेशले निर्धारित १३ ओभरमा ७ विकेट गुमाएर १११ रनको योगफल तयार पारेको थियो।
११२ रनको विजयलक्ष्य पछ्याएको पाकिस्तानले ११.३ ओभरमा ४ विकेट गुमाउँदै लक्ष्य भेट्टायो। पाकिस्तान अब स्वर्ण पदकका लागि दोस्रो फाइनलको विजेतासँग मैदानमा उत्रिनेछ। दोस्रो सेमिफाइनलमा भारत र श्रीलंका प्रतिस्पर्धा गर्दैछन् ।
प्रतिक्रिया