काठमाडौं– एचएलआई लार्ज क्याप फण्ड निष्काशन भएको छ । आइतबार बाट उक्त फण्ड निष्काशन भएको हो ।

उक्त फण्ड हिमालयन लाइफ इन्स्योरेन्सको सहायक कम्पनी हिमालयन इन्भेष्टमेन्ट बैङ्कर लिमिटेडले ल्याएको हो ।

४ अर्ब रुपैयाँ बराबरको ४० करोड इकाईमध्ये बीज पुँजीवापत ५० प्रतिशत अर्थात २ अर्ब रुपैयाँ बराबरको २० करोड इकाई कोष प्रवर्द्धक हिमालयन लाइफ र २ अर्ब रुपैयाँ बराबरको २० करोड इकाई सर्वसाधारणका लागि निष्काशन गरेको हो ।

फण्डको मूल्य प्रतिएकाई १० रुपैयाँ तोकिएको छ । उक्त फण्डमा न्यूनतम १०० इकाईका लागि आवेदन दिनु पर्नेछ भने अधिकतममा ४ करोड इकाईसम्म आवेदन दिन सकिने छ ।

फण्डको इकाईमा भदौ १८ गतेसम्म आवेदन दिन सकिने छ । सो समयमा आवेदन नपरेको खण्डमा भदौ २९ गतेसम्म आवेदन म्याद थप गरिने छ । फण्ड १० वर्ष अवधिको हो ।

धितोपत्र निष्काशन तथा बिक्री प्रबन्धक हिमालयन इन्भेष्टमेन्ट बैङ्कर लिमिटेड छ ।