वाशिङ्टन – अमेरिकी राष्ट्रपति डोनाल्ड ट्रम्पले आयात हुने स्टिलमा लगाइने करमा २५ प्रतिशत बाट थप बढाएका छन्। उनले ५० प्रतिशत करको घोषणा गरेका हुन्।

पेनसेल्भिनियामा भएको कार्यक्रममा उनले सो कुरा बताएका हुन्। देशमा स्टिलको उत्पादन बढाउनका लागि यो निर्णय गरेको उनको भनाइ छ। युएस स्टिल र जापान स्टिल बिच सहकार्यको निर्णय भएपछि उनले थप १४ अर्ब अमेरिकी डलर स्टिल उत्पादनमा लगानी गर्ने बताएका छन्।

यो साझेदारको सबै विवरण भने बाहिर आइसकेको छैन। उनले स्टिल कम्पनीमा काम गर्ने हरेक कामदारले पाँच हजार अमेरिकी डलर बोनस दिने घोषणा गरेका छन्।

पेनसेल्भिनियाको पिट्सवर्गमा उनले सो घोषणा गरेका हुन्। त्यहाँ अमेरिकाको सबै भन्दा ठुलो स्टिल कम्पनी छ। सो कम्पनी उनले सन् २०१८ मा स्थापना गरेका थिए।

करको बारे अमेरिकाको व्यापार अदालतले गरेको निर्णय उल्ट्याउँदै पुनरावेदन अदालतले ट्रम्प नीतिलाई निरन्तर राख्ने अनुमति दिएपछि उनले यो घोषणा गरेका हुन्।