काठमाडौं- विवाद र कानुनी झमेलापछि प्रदर्शनमा आएको चलचित्र ‘एक्टर टेक वान’बारे निर्देशक निश्चल बस्नेतले मुख खोलेका छन् ।

‘एक्टर’ र ‘एक्टर टेक वान’बीच नामलाई लिएर भएको विवादमा चलचित्र निर्मता संघ र निर्देशक समाज नबोलेकोमा उनले आपत्ति जनाएका छन् ।

‘एक्टर’ र ‘एक्टर टेक वान’को लफडाले गलत नजिर बस्ने सम्भावना धेरै छ । आर्थिक लेनदेनले जुटाएको सहमति हो भने धेरै चलचित्रकर्मिलाई अफ्ट्यारो पर्नेछ’, उनले भने, ‘होइन र सहमतिमात्रै भएको हो भने दुख दिन रिलिज र बजार बिगार्न यस्तो हर्कत हुनसक्छ । यत्रो सबै भइरहँदा पनि न निर्माता संघको धारणा आयो न निर्देशक समाजको न बिकास बोर्डको ।’

उनले यस प्रकरणलाई दुई फिल्मको इगोको लडाइँ भनेर बुझ्नु गलत हुने बताएका छन् । ‘दुई फिल्मको इगोको लडाइँ मात्र समझिएपछि कस्को के लाग्छ । फिल्म दर्ता प्रणालीमा ठूलो भ्वाङ रहेछ, नामको पनि कपी राइटलाई ब्यवस्थित गर्नुपर्ने रहेछ भन्ने कुरा कसैले सम्झाइदिनुस् है’, उनले भनेका छन्, ‘अँ साँच्चै, यो दुई चलचित्रको सहमतिमा अघि ती छुट्टीका दुई दिनमा भएको ब्यापार घाटाको क्षतिपूर्तिबारे कुरा भयो कि भएन ?’