काठमाडौं– इंग्लिस फुटबल लिग (इएफएल) कप (काराबाओ कप) फुटबलमा म्यानचेस्टर सिटी क्वार्टरफाइनल (अन्तिम आठ)मा प्रवेश गरेको छ ।

गएराति भएको खेलमा स्वान्सी सिटीलाई ३–१ गोलले पराजित गर्दै म्यानचेस्टरले सहज जित निकाल्दै क्वार्टरफाइलनमा पुगेको हो ।

म्यानचेस्टरका लागि जेरिमी डोकु, ओमर मर्मोश र रायल चेर्कीले एक–एक गोल गरेका थिए । स्वान्सी सिटीका लागि गोन्सालो फ्रान्कोले गोल गरेका थिए ।

खेलमा सुरुवाती गोल स्वान्सी सिटीका तर्फबाट भएपनि त्यसलाई जोगाउन नसक्दा पराजित हुन पुगेको थियो । खेलको १२औँ मिनेटमा सिटीका फ्रान्कोले सुरुवाती गोल गरेका थिए ।

तर खेलका ३९औँ मिनेटमा डोकु, ७७औँ मिनेटमा मर्मोश र दोस्रो हाफको इन्जुरी समयको चाैथाे मिनेटमा फ्रान्कोले गोल गर्दै म्यानचेस्टर सिटीलाई जित दिलाए ।

गएराति नै भएका अन्य खेलमा आर्सनलले ब्राइटनलाई २–०, क्रिष्टल प्यालेसले लिभरपुललाई ३–० र चेल्सीले वुल्सलाई ४– र न्यूक्यासल युनाइटेडले टोटनहम हट्सपरलाई २–० गोलले हराएको छ ।