काठमाडौं– बडादसैँको आठौँ दिन अर्थात महाअष्टमीका दिन आज बिहानैदेखि धार्मिक तथा ऐतिहासिक गोरखा कालिका मन्दिरमा दर्शन गर्ने र बलि दिनेको घुइँचो लागेको छ ।
गोरखाकाली मन्दिरमा आज महाअष्टमीको अवसरमा सरकारी बलि दिनको २ बजे पछि सुरु हुने र त्यस पछि सर्वसाधारणले बोका, राँगा र भेडा लगायतको बलि दिने खुल्ला गरिने छ ।
जिल्ला कै महत्वपूर्ण शक्तिपीठको रुपमा गोरखाकाली मन्दिरलाई लिइने गरिन्छ । मन्दिरमा पूजाआजा र दर्शनका लागि गोरखासहित काठमाडौँ, तनहुँ, चितवन र लमजुङलगायतका विभिन्न जिल्लाबाट भक्तजन आउने गर्दछन् ।
मनोकांक्षा पुरा हुने जनविश्वासका साथ मन्दिरमा पूजाआजा सहित बलि चढाउने प्रचलन रहेको छ ।
प्रतिक्रिया