काठमाडौं – चलचित्र विकास बोर्डले आफ्नो २५ औं वार्षिक उत्सव पारेर सोमबार फिल्म इतिहासमा सबैभन्दा बढी ग्रस कलेक्सन गर्ने २५ फिल्मको सूची सार्वजनिक गरेको छ ।

नेपाली फिल्म क्षेत्रको विगत ६० वर्ष पूरानो छ । विकास बोर्डका अनुसार यो अवधिमा सबैभन्दा बढी ग्रस कलेक्सन गर्ने फिल्म ‘पूर्णबहादुरको सारङ्गी’ हो । यसले ४६ करोड ८७ लाख ग्रस कलेक्सन गरेको छ ।

त्यस्तै, सबैभन्दा बढी व्यापार गर्ने दोस्रो फिल्म ‘कबड्डी ४’ हो । यसको ग्रस कलेक्सन २१ करोड ४० लाख छ ।

सबैभन्दा बढी कमाइ गर्ने तेस्रो फिल्म भने ‘१२ गाउँ’ बनेको छ । यसले १९ करोड ९२ लाख ग्रस कलेक्सन गरेको छ ।

चौथोमा ‘छक्का पञ्जा ४’ र पाँचौमा ‘जारी’ छ । ‘छक्का पञ्जा ४’ले १७ करोड ५३ लाख र ‘जारी’ले १७ करोड ४८ लाख ग्रस कलेक्सन गरेको छ ।