काठमाडौं – गृहमन्त्री रमेश लेखकले शिक्षकले आफ्नो लडाइँमा जित हात पारेको प्रतिक्रिया दिएका छन् । मन्त्रिपरिषद बैठकपछि शिक्षकहरुसँगको सहमति सर्वाजनिक गर्न आयोजित पत्रकार सम्मेलनलाई सम्बोधन गर्दै उनले यस्तो प्रतिक्रिया दिएका हुन् ।

पत्रकार सम्मेलनलाई सम्बोधन गर्दै उनले भने ‘शिक्षकले कक्षा कोठामा मात्रै सिकाउँछन् भन्ने भाष्यलाई चिर्दै आन्दोलन शान्त र साम्य भएर पनि गर्न सकिन्छ भन्ने सिकाउनुभयो । तपाईँहरूले आफ्नो लडाइँ जित्नुभयो ।’

उनले वैशाख १४ गते आन्दोलनका क्रममा भएको झडप बारे दुःख व्यक्त गरे । त्यस्तै उनले आजको मन्त्रीपरिषद्ले गरेको निर्णय बमोजिम आगामी असार १५ गते विद्यालय शिक्षा ऐन प्रतिनिधि सभाबाट पारित हुने जानकारी दिए ।

उनले भने ‘हामीले तोकेको समय सीमा भित्र असार १५ गते भित्र नै ऐन पारित हुन्छ ।’ त्यस्तै उनले कक्षा १२ को परीक्षा गर्ने तयारी गर्न शिक्षकहरूलाई आग्रह समेत गरेका छन् ।