काठमाडौं – गायक अमित प्रधानको एकल स्वर रहेको गीत ‘मायाको आभाष’ सार्वजनिक भएको छ । यस गीतको म्युजिक भिडियो ‘म्युजिक नेपाल’ युट्युब च्यानलबाट सार्वजनिक भएको थियो ।

यस गीत शब्द लेखन र संगीत गायक प्रधान आफैँले भरेका हुन् । हिमाल थापाले निर्देशन गरेको उक्त म्युजिक भिडियोमा व्हेरी केसी र अमित प्रधानको अभिनय रहेको छ ।

सार्वजनिक गीत ‘मायाको आभाष’लाई म्युजिक नेपालले निर्माण र बजार व्यवस्थापन गरेको छ । डायस्पोरामा रहेका नेपाली गीत सङ्गीतमा रुचि राख्ने र राम्रो प्रतिभालाई उजागर गर्ने उद्देश्यले म्युजिक नेपालले म्युजिक भिडियो निर्माण गरेको हो ।

यस गीतको भोकल रेकर्डिङ अस्ट्रेलियाको मेलबर्नमा सन्देश श्रेष्ठले गरेका हुन् र यो गीतमा किरण बरालले बाँसुरी बजाएका छन्।

भिडियोको सहायक निर्देशक सञ्जय सुवेदी हुन् । भिडियोको सम्पादन र रङ्ग संयोजन निर्देशक थापाले नै गरेका छन् ।

गीतको भिडियो :