काठमाडौं– राष्ट्रिय ट्रमा सेन्टरको प्रमुख मेडिक सुपरिटेण्डेण्टमा डा. रुद्र मरासिनी नियुक्त भएका छन् । स्वास्थ्य तथा जनसंख्या मन्त्री डा. सुधा शर्मा गैतमले आइतबार मन्त्रीस्तरिय निर्णय गर्दै ११ औँ तहका डा. मरासिनीलाई नियुक्त गरेकी हुन् । 

यसअघि प्रमुख मेसु रहेका डा.बद्रि रिजाल नेपाल चिकित्सक संघको आगामी निर्वाचनमा उम्मेदवार बनेपछि पदबाट अलग भएका थिए । 

त्यसपछि डा.मरासिनीले निमित्त प्रमुखका रूपमा जिम्मेवारी सम्हाल्दै आएका थिए । निमित्त नेतृत्वकै क्रममा अस्पतालको व्यवस्थापन र सेवा सञ्चालनमा निरन्तरता कायम राख्न सफल भएका मरासिनीलाई औपचारिक रूपमा जिम्मेवारी दिइएको मन्त्रालयले बताएको छ । 

उक्त निर्णयलगत्तै उनले आइतबारदेखि नै ट्रमा सेन्टर पुगेर कार्यभार सम्हालेका छन् ।