काठमाडौं– दोस्रो संस्करणको नेपाल प्रिमियर लिग (एनपीएल) क्रिकेटमा अहिले पोखरा एभेञ्जर्स र लुम्बिनी लायन्सबीच प्रतिस्पर्धा हुँदैछ ।
काठमाडौंको कीर्तिपुरस्थित त्रिवि क्रिकेट मैदानमा जारी खेलमा लुम्बिनीले टस जितेर फिल्डिङ रोजेपछि पोखराले ब्याटिङ सुरु गरेको छ ।
पोखरा कुशल भुर्तेल र लुम्बिनी राष्ट्रिय टिमका कप्तान रोहितकुमार पौडेलको नेतृत्वमा मैदानमा उत्रिएको छ ।
जारी प्रतियोगितामा ३ खेल खेलेको पोखराले एउटामा मात्र जित निकालेको छ भने चार खेल खेलेको लुम्बिनी पनि एक खेलमा मात्रै जितेको छ ।
दुई–दुई अंक भएका पोखरा र लुम्बिनी क्रमशः छैटौँ र सातौँ स्थानमा छन् ।
प्रतिक्रिया