काठमाडौं – भारतले एक खेल बाँकी रहँदै साफ यू–१७ महिला च्याम्पियनसिपको उपाधि सुनिश्चित गरेको छ । शुक्रबार भुटानको थिम्पुस्थित चाङ्लिमिथाङ रंगशालामा भएको खेलमा नेपालमाथि ५–० को फराकिलो जित दर्ता गर्दै भारत लगातार तेस्रो पटक च्याम्पियन बनेको हो।

यसअघि सन् २०१८ र २०१९ मा पनि उपाधि उचालेको भारतले यसपटक समूह चरणका पाँचै खेल जितेर १५ अंक जोडेको छ। यससँगै दोस्रो स्थानमा रहेको बंगलादेशसँग अब जित–हारले खासै फरक पार्ने छैन। बंगलादेशसँगको अन्तिम खेल जिते पनि भारतलाई पछ्याउन नसक्ने अवस्थामा छ।

उपाधि सुरक्षित गरे पनि अन्तिम खेलमा भारत र बंगलादेश आमनेसामने हुनेछन् भने नेपालले भुटानसँग प्रतिस्पर्धा गर्नेछ। हालसम्म नेपालले पाँच खेलमा ३ अंक जोडेको छ भने भुटान १ अंकमै सीमित छ।