काठमाडौं– पछिल्लो २४ घण्टामा हैजाका ८४ जना नयाँ सङ्क्रमित फेला परेका छन् ।
पर्सासहित मधेस प्रदेशका विभिन्न जिल्लामा प्रकोपका रूपमा फैलिएको हैजा संक्रमितको सख्या हालसम्म ६ सय २४ पुगेको इपिडिमियोलोजी तथा रोग नियन्त्रण महाशाखा इडिसीडीले जनाएको छ ।
संक्रमितमध्ये ४ सय ३७ जना निको भएर घर फर्किएका छन् भने सक्रिय सङ्क्रमित १ सय ८७ जनाको विभिन्न अस्पतालमा उपचार भइरहेको छ ।
इडिसीडीको तथ्यांक अनुसार नारायणी अस्पतालमा ६८ जना, तराई अस्पतालमा ३९ र वीरगन्ज हेल्थकेयर अस्पतालमा १९ जना सक्रिय बिरामीको उपचार भइरहेको छ ।
प्रतिक्रिया