काठमाडौं – नायक प्रवीण खतिवडा शीर्ष भूमिकामा रहेको फिल्म ‘शिवांश’को छायाङ्कन पूरा भएको छ । जेठको पहिलो सातादेखि पोखरामा जारी यस फिल्मको छायाङ्कन मंगलबार पूरा भएको हो ।

निर्माता अञ्जान केसीका अनुसार ३६ दिन लगाएर फिल्ममा सामावेश गीतको समेत छायाङ्कन सकेर सुटिङ युनिट काठमाडौं फर्किएको छ ।

‘उकुस मुकुस’ बोलको गीतको छायाङ्कन सकेर इन्डक्ल्याप गरिएको हो । छायाङ्कन पूरा भएसँगै अब प्रोस्ट प्रोडक्सनको कामलाई तीव्रता दिने योजनामा डेब्यू निर्देशक सन्तो कुमार आयेत्र नेतृत्वको टोली रहेको छ ।

यस फिल्ममा प्रवीणसहित तेज गिरी र रुषा न्यौपाने शीर्ष भूमिकामा रहेका छन् । फिल्ममा विकास जोशी, विमला लिम्बू, प्रदीपकुमार चौधरीलगायतको अभिनय रहेने बताइएको छ ।

यस फिल्मको कथा निर्माता केसी आफैँले लेखेका हुन् । पटकथा भने बारत लिम्बूले लेखेका हुन् ।