काठमाडौं – नवीन चौहानको डेब्यू निर्देशन रहेको फिल्म ‘ऊनको स्वीटर’ले प्रदर्शनको ५१ दिन व पार गरेपपछि निर्माण पक्षले एक कार्यक्रम गरी खुसी साटेको छ ।

निर्माण पक्षले बालुवाटारमा शनिबार एक कार्यक्रमको आयोजना गरी फिल्म सफल भएकोमा केक काटेको थियो । फिल्मका सबै पोस्टर अङ्कित केक काटेर निर्माण पक्षले खुसी मनाएको हो ।

कार्यक्रममा फिल्मका कलाकार, प्राविधिक र सञ्चारकर्मीहरूको उपस्थिति थियो । फिल्मका तर्फबाट कलाकार, प्राविधक, वितरक र सञ्चारकर्मीहरूलाई सम्मानसमेत गरिएको थियो ।

फिल्मले शनिबार तीन दर्जनभन्दा बढी हलमामा प्रदर्शनको ५१ दिन पूरा गरेको हो । गत वैशाख २६ बाट प्रदर्शनमा आएको यस फिल्ममा नायक विपीन कार्की, नायिका मिरुना मगर, एलेक्स पारस र परीक्षा लिम्बू शीर्ष भूमिकामा छन् ।

आर्टमाण्डूको ब्यानरमा बनेको फिल्मका लेखक निर्देशक चौहान आफैँ हुन् ।

तस्बिरहरु :