काठमाडौं – विश्व च्याम्पियन दक्षिण अफ्रिकाका लुँगे डे प्रोस्टिरियसले दुर्लभ कीर्तिमान कायम गरेका छन्। जिम्बाबेविरुद्धको पहिलो टेस्टमा उनले १५३ रन प्रहार गर्दै दुर्लभ कीर्तिमान बनाएका हुन्। उनी टेस्ट क्रिकेटमा एक पारीमा १५० रन प्रहार गर्ने १९ वर्ष भन्दा कम उमेरका पहिलो खेलाडी भएका छन्। उनले ३०, ५४, ५५ र १२७ रनमा जीवन दान पाएका थिए। उनले १६० बलको सामना गरे।

शनिबार खेलको अन्त्य हुँदा दक्षिण अफ्रिकाले ९ विकेटको क्षतिमा ४१८ रन जोडेको छ। कोरबिन बस्कले पहिलो टेस्ट शतक प्रहार गरे। उनी १०० रनमा अविजित रहे। पहिलो टेस्ट खेलिरहेका ड्रेवाल्ड ब्रेभिस ४१ बलमा ५१ रन जोडेर आउट भए।

दक्षिण अफ्रिकाको सुरुवात भने खराब थियो। पहिलो १० ओभर जिम्बाबेका बलरले मेडन ओभर फ्याकेका थिए। टोंगा चिभिंगा छाए पछि २३ रनमा दक्षिण अफ्रिकाले तीन विकेट गुमाएको थियो। यी सबै विकेट चिभिंगा छाएका थिए। उनले कुल चार विकेट लिए। चार शीर्ष दक्षिण अफ्रिकी ब्याट्सम्यान डबल डिजिट छुन असफल भएका थिए।