काठमाडौं– न्यूजिल्याण्डका उपप्रधान तथा विदेशमन्त्री विन्स्टन पिटर्सले प्रशान्त क्षेत्रलाई सैन्यकरण हुनबाट रोक्नुपर्ने बताएका छन् । अष्ट्रेलियाकी विदेशमन्त्री पेनी वङसँगको भेटवार्ताका क्रममा उपप्रधानमन्त्री पिटर्सले यस्तो बताएका हुन् ।

दक्षिण प्रशान्त महासागर क्षेत्रमा चीनको प्रभाव बढ्दै गइरहेका बेला यस क्षेत्रलाई सैन्यकरण हुनबाट जोगाउनुपर्ने बताएका हुन् । उनले चीनसँग आफ्नो मुलुकको सम्बन्ध सुमधुर नै रहेको पनि उल्लेख गरे ।

गत वर्ष चीन र कुक टापुबीच कूटनीतिक सम्झौता भएपछि न्यूजिल्याण्ड र कुक टापुबीच तनाव बढेको थियो । त्यसैगरी, चीनले अष्ट्रेलिया र न्यूजिल्याण्डबीच रहेको तास्मान सागरमा नौसैनिक अभ्यास गरेको थियो ।

त्यसयता न्यूजिल्याण्ड चीनसँग रुष्ट रहेको विश्लेषण गरिएको छ । विदेशमन्त्री पिटर्सले पछिल्लो ७९–८० वर्षयता प्रशान्त क्षेत्र निकै अस्थीर रहेको उल्लेख गरे ।