काठमाडौं– सरकारले उच्च रक्तचाप मुटु, मधुमेह मिर्गौला, कलेजो र क्यान्सर लगायतका नसर्ने रोगहरुको निदान र उपचारका लागि दक्ष चिकित्सक र आधुनिक उपकरण सहितको विशिष्ट स्वास्थ्य सेवा प्रदान गर्ने भएको छ ।

आगामी आर्थिक वर्षका लागि विनियोजित बजेट प्रस्तुत गर्दै अर्थमन्त्री विष्णु पौडेलले सातवटै प्रदेशमा मुटुरोग र क्यान्सरको उपचार विस्तार गरिने बताए ।

हरेक वर्षको फागुन महिनामा नसर्ने रोगको निशुल्क स्क्रिनिङ गर्ने व्यवस्था मिलाइने बताउँदै आधारभूत स्वास्थ्य सेवा र आधारभुत अस्पतालबाट निशुल्क हुँदै आएका औषधीहरुको आपुर्ति सहज गरिने मन्त्री पौडेलको भनाइ छ ।

साथै वितरण गरिएका औषधिहरुको अभिलेख राख्ने र वेवसाइटमा प्रकाशन गर्ने व्यवस्था मिलाइने र यसका लागि २ अर्ब ६ करोड रुपैयाँ बिनियोजन गरिएको मन्त्री पौडेलले जानकारी दिएका छन्