काठमाडौं– सरकारले जेष्ठ नागरिक लगायत लक्षित वर्गलाई सामाजिक सुरक्षा भत्ता दिने उद्देश्यले एक खर्ब नौ अर्ब रकम विनियोजन गरेको छ । उपप्रधान तथा अर्थमन्त्री विष्णु पौडेलले संसदमा आगामी आर्थिक वर्षको बजेट प्रस्तुत गर्दै जेष्ठ नागरिक लगायत लक्षित वर्गको सामाजिक सुरक्षा भत्ताका लागि सो रकम विनियोजन गरेका हुन् ।

सरकारले जेष्ठ नागरिक लगायत लक्षित वर्गका लागि चालु आर्थिक वर्षमा एक खर्ब १६ अर्ब रुपैयाँ बजेट विनियोजन गरेको छ । गत आर्थिक वर्षमा सो क्षेत्रमा एक खर्ब आठ अर्ब ८१ करोड बढी रकम खर्च गरेको थियो ।

संघीय सरकारबाट सञ्चालित सामाजिक सुरक्षा कार्यक्रमसँग दोहोरो हुनेगरी प्रदेश र स्थानीय सरकारले कार्यक्रम सञ्चालन गर्न नपाइने अर्थमन्त्री पौडेलले बताए ।