काठमाडौं – गत भदौ २३ र २४ गते भएको जेनजी आन्दोलनका बेला गृहमन्त्री रहेका नेपाली कांग्रेसका नेता रमेश लेखक सोमबार आन्दोलनपछि गठित जाँचबुझ आयोगमा बयान दिन जाने भएका छन् ।
आयोगले लेखकलाई शुक्रबार बयान दिन आउनू भन्दै मंगलबार पत्र पठाएको थियो। यसअघि नै पत्र पाएका लेखकले भोलि सोमबार बिहान ११ बजे बयान दिन जाने तयारी गरेका हुन् ।
साथै पूर्व गृहमन्त्री लेखकले सोमबार दिउँसो ४ बजे नेपाली कांग्रेस संसदीय दलको कार्यालय, सिंहदरबारमा पत्रकार सम्मेलन आयोजना गर्ने भएका छन्। उक्त पत्रकार सम्मेलनमा समसामयिक राजनीतिक विषय र जाँचबुझ आयोगसँग सम्बन्धित विषयमा आफ्ना भनाइ सार्वजनिक गर्ने बताइएको छ ।
प्रतिक्रिया