काठमाडौं- नेपाली राष्ट्रिय कराते खेलाडी एरिका गुरुङ र प्रशिक्षक कुशल श्रेष्ठलाई नगदसहित सम्मान गरिएको छ। मंगलबार नेपाल सितेरियो कराते संघले एक कार्यक्रमबीच एरिका र प्रशिक्षक श्रेष्ठलाई नगदसहित सम्मान गरेको हो।

संघले एरिकालाई एक लाख रुपैयाँ र प्रशिक्षक श्रेष्ठलाई ५० हजार रुपैयाँसहित सम्मान गरेको हो। एरिकाले सन् २०२२ मा चीनको हाङजाउमा सम्पन्न एसियाली खेलकुदमा ६८ किलोतर्फ रजत पदक जितेकी थिइन्। यो नेपालले १९औँ एसियाली खेलकुदमा प्राप्त गरेको एक मात्र रजत पदक हो।

उनले हङकङकी यान काइलाई ८–४ ले हराउँदै फाइनलमा स्थान बनाएकी थिइन्। उनी कराते–१ प्रिमियर लिगमा पदक जित्ने पहिलो नेपाली खेलाडी समेत हुन्। गत जुनमा मोरोकोको राबटमा सम्पन्न उक्त प्रतियोगितामा उनले रजत पदक जितेकी थिइन्। एरिकाले सन् २०२४ मा आयोजित यूएस ओपन अन्तर्राष्ट्रिय च्याम्पियनसिपमा पनि स्वर्ण र कास्य पदक हासिल गरेकी थिइन्।