काठमाडौं- नेकपा (एमाले) को सचिवालय बैठक भक्तपुरको गुन्डुमा सुरू भएको छ ।
पार्टी अध्यक्ष केपी शर्मा ओलीको डेरा रहेको गुण्डुमा एमाले सचिवालय बैठक जारी छ ।
भदौ २३ र २४ गतेको जेन–जी आन्दोलन र दुईतिहाइको सत्ता ढलेपछि एमालेको यो पहिलो औपचारिक बैठक राखेको हो ।
एमालेको यस बैठकलाई चासोपूर्वक हेरिएको छ । बैठकमा सचिवालय सदस्यहरूले ओलीलाई पदबाट बाहिरिन दबाब दिने छन् ।
बैठकमा जेन-जी विद्रोह, देशमा भौतिक तथा मानवीय क्षति, तत्कालीन सरकारको भूमिका र पार्टीको रोडम्यापबारे छलफल हुने बताइएको छ ।
बैठकमा पदाधिकारीहरूले ओलीलाई अध्यक्ष पद छाड्न आग्रह गर्ने छन् । ओली भने अध्यक्ष पद छाड्न तयार छैनन्।
प्रतिक्रिया