काठमाडौं– सांग्रिला डेभलपमेन्ट बैंक लिमिटेडले संस्थापक शेयरधनीको नाममा रहेको संस्थापक शेयर बिक्रीमा ल्याएको छ ।

कम्पनीले ८९ हजार ७५९ कित्ता संस्थापक शेयर सर्वसाधारणले समेत खरिद गर्न मिल्नेगरी बिक्रीमा ल्याएको हो ।

बैंकले बिक्रीमा राखेको शेयरमध्ये ६४ हजार कित्ता शेयर संस्थापक शेयरधनी बलराम श्रेष्ठ र २५ हजार ७५९ कित्ता शेयर विश्व प्रकाश गुरुङको रहेको छ ।

बैंकले यसअघि नै बैंकका विद्यमान संस्थापक शेयरधनीका लागि ३५ दिने सूचना जारी गरेर शेयर बिक्रीमा राखेको थियो ।

सो समयमा आवेदन नपरेपछि बैंकले जो कोही व्यक्ति तथा संस्थाका लागि शेयर बिक्रीमा राखेको हो । शेयर किन्न चाहनेले १५ दिनभित्र काठमाडौंको बालुवाटारस्थित बैंकको केन्द्रीय कार्यालयमा आवेदन दिनुपर्ने छ ।