काठमाडौं – इरानको सबैभन्दा ठूलो बन्दरगाहमा भएको विस्फोटका पछाडि चीनले पठाएको ठोस मिसाइल इन्धन भएको दाबी गरिएको छ ।

गत शनिबार इरानको सबैभन्दा ठूलो बन्दरगाह सहिद राजाइ बन्दरगाहमा भएको विस्फोटमा कम्तीमा ४० जनाको मृत्यु भएको छ भने एक हजारभन्दा बढी मानिस घाइते भएका छन् ।

इरानको राज्य–सञ्चालित इस्लामिक रिपब्लिक न्युज एजेन्सीले यो विस्फोट रासायनिक पदार्थ भएका कन्टेनरहरूका कारण भएको हुनसक्ने द टेलिग्राफले बताएको छ ।

एजेन्सीले कुन रासायनिक पदार्थ हो भन्ने उल्लेख गरेको छैन । तर गत जनवरीमा चीनले सोडियम परक्लोरेट ९एक प्रकारको मिसाइल इन्धनको प्रकार० इरान पठाउने भन्ने खबर आएको थियो । इरानले इजरायलमा आक्रमण गरेपछि इरानमा यसकोे आपूर्ति कम भएको थियो ।

समाचारका अनुसार गत फेब्रुअरीमा गोलबन नामको एक जहाज चीनबाट एक हजार टन अमोनियम परक्लोरेट सोलिड रकेट इन्धन बनाउन प्रयोग हुने अर्को पदार्थ लिएर इरान पुगेको भन्ने समाचारमा आएको थियो ।