काठमाडौं – आन्दोलनरत शिक्षक र प्रहरीबीचको झडपमा घाइते भएकी पत्रकार सबिना कार्कीको उद्धार गर्ने प्रहरी पुरस्कृत भएका छन् ।
झडपका क्रममा घाइते भएकी पत्रकार कार्कीलाई प्रहरी वृत्त, मालीगाउँमा कार्यरत प्र.स.ह. तारा बहादुर घर्तीले तत्लका उद्धार गरि नजिकको अस्पताल पुयाउन सहयोग गरेका थिए । उनलाई जिल्ला प्रहरी परिसर, काठमाडौंले पुरस्कृत गरेको हो ।
आइतबार शिक्षकहरुको आन्दोलनबारे समाचार संकलन गरिरहेको अवस्थामा प्रहरीले हानेको पानीको फोहोरा सिधै आँखामा पर्दा पत्रकार कार्की घाइते भएकी थिइन् ।
उनको अहिले तिलगंगा आँखा अस्पतालमा उपचार भइरहेको छ।
प्रतिक्रिया