काठमाडौं – सरकारले राजवादीहरुको समुहले काठमाडौंको तीनकुने आसपासका क्षेत्रमा गरेको अराजक गतिविधिको घोर भत्र्सना गरेको छ ।

शुक्रबार राति बालुवाटारमा बसेको मन्त्रिपरिषद्को बैठकले उक्त घटनाको सम्बन्धमा सत्यतथ्य छानबिन गरि आवश्यक कारबाही अघि बढाउन गृहमन्त्रालयलाई निर्देशन समेत दिएको छ ।

साथै आजको घटनामा घाइते भएकाहरूको उपचार स्वास्थ्य तथा जनसङ्ख्या मन्त्रालयले जिम्मा लिने निर्णय गरेको सरकार प्रवक्ता पृथ्वी सुब्बा गुरुङले जानकारी दिए । अन्य विषयमा गृह मन्त्रालयले सोधपुछ गरेर आवश्यक कदम अगाडि बढाउने निर्णय गरेको गुरुङले बताए ।

मन्त्रिपरिषद्को बैठकपछि प्रधानमन्त्री केपी शर्मा ओली र गृहमन्त्री रमेश लेखकले चार वटै सुरक्षा निकायका प्रमुखसँग छलफल गरिरहेको छ । उनीहरुबीच आगामी योजनाको विषयमा छलफल भइरहेको प्रधानमन्त्रीको सचिवालय स्रोतले जनाएको छ।

याे पनि…

तीनकुनेको तमासा : ज्ञानेन्द्र शाह, नवराज सुवेदी र दुर्गा प्रसाईसँग जवाफ छ ?