काठमाडौं- प्रमुख सत्तारुढ नेकपा (एमाले) ले राजावादी समूहहरुको हिंसात्मक प्रदर्शनमा संलग्नलाई तत्काल कानुनी कारबाही गर्न माग गरेको छ ।

शुक्रबार दुर्गा प्रसाईं र नवराज सुवेदीसहितको राजावादी समूहले तीनकुने क्षेत्रमा गरेको प्रदर्शनका क्रममा सर्वसाधारण नागरिकको घर, व्यवसायिक भवन, सञ्चारगृह, राजनीतिक दलका कार्यालय र सरकारी भवनमाथि आगजनी र लुटपाट गरेका थिए ।

त्यसक्रममा दुईजनाले ज्यान गुमाएका छन् । एमालेले राजनीतिक दल, नागरिक समाज र आम नेपाली जनतालाई लोकतन्त्रका पक्षमा र पश्चगमनका दुष्प्रयासविरुद्ध गोलबन्द हुन आह्वानसमेत गरेको छ ।

‘आजका आपराधिक क्रियाकलापमा सङ्लग्नहरुलाई तत्काल कानुनी दायरामा ल्याउन र शान्तिसुरक्षाको प्रभावकारी प्रबन्ध गर्न सरकारसँग माग गर्दछ,’ एमाले महासचिव शंकर पोखरेलले भनेका छन् ।