काठमाडौं- राजावादीहरूको प्रदर्शन झन् झन् उग्र बन्दै जाँदा सार्वजनिक भवनमा आगजनी गर्न थालेका छन् ।

तीनकुनेस्थित एक घरमा आगो लगाएका राजावादीहरूले शुक्रबार दुईवटा सञ्चारगृहमा पनि ढुंगामुढा गरेका छन् ।

कान्तिपुर र अन्नपूर्ण पोस्ट्को कार्यालयमा आक्रमणमा गरेका उनीहरूले बागमती तरेर एकीकृत समाजवादीको कार्यालयमा पनि धावा बोलेका छन् ।

राजावादीका नाममा अराजकहरूको एउटा समूहले एकीकृत समाजवादीको आलोकनगरस्थित केन्द्रीय कार्यालयमा ढुंगामुढापछि कागजपत्र जलाएर आगजनी गरेका छन् ।

अहिले समाजवादीको कार्यालयमा आगो लगाइएको छ। अराजक युवाहरूको समूहले समाजवादीको कार्यालयभित्रै छिरेर आगो लगाइदिएका हुन् ।

यस पहिले ढुंगामुढा बर्साउँदा समाजवादीको कार्यालयका शिशा सबैजसो फुटेका थिए । अराजक समूहले समाजवादीको कार्यालयका कागजपत्र बाहिर निकालेर जलाइसकेकपछि भवनमा पनि आगो लगाएका हुन् ।