काठमाडौं- नवराज सुवेदी र दुर्गा प्रसाईं नेतृत्वको राजावादी समूहले हिंसा भड्किने गरी आफ्नो आन्दोलनलाई अराजकतातिर लगगेका छन् ।

तीनकुने क्षेत्रमा प्रदर्शनमा उत्रिएका राजावादी समूहले प्रहरीलाई ढुंगामुढादेखि सर्वसाधारणका घरमा आक्रमण र आगजनीसम्म गरेका छन् ।

प्रहरीले भवनमा चढेर अश्रुग्यास हानेको भन्दै अराजकतातिर अघि बढेका राजावादीले घरमा आगजनीसमेत गरेका छन् ।

उनीहरूले तीनकुनेस्थित अन्नपूर्ण पोस्टको कार्यालय रहेको भवनमासमेत ढुंगामुढा गरेका छन् । प्रहरीले अवस्थालाई नियन्त्रणमा लिन अश्रुग्यास, पानीको फोहोरा र हवाइ फायरसमेत गरिरहेको छ ।

प्रदर्शनकारीले कान्तिपुर टेलिभिजनको कार्यालयमा पनि ढुंगामुढा गर्न भ्याएका छन् । अवस्था नियन्त्रणमा लिन प्रहरीलाई हम्मेहम्मे परेको छ ।