काठमाडौं– राजावादीहरूको आन्दोलन नियन्त्रणबाहिर गएपछि प्रहरीले हवाई फायर गरेको छ ।
स्थिति नियन्त्रण बाहिर गएपछि प्रहरी बाध्य भएर हवाई फायर गरेको बताइएको छ ।
तीनकुनेमा भेला भएका प्रदर्शनकारीले व्यापारिक मल माथि ढुङ्गा मुढा गरेका छन् । यस्तै केही घरहरूमा आगजनी समेत गरेका छन् ।
स्थिति प्रहरीको नियन्त्रण बाहिर गएपछि प्रहरीले सुरुमा आगो निभाउन गएको दमकल प्रयोग गरेको थियो । दमकलमाथि पनि प्रदर्शनकारीले आगजनी गर्न खोजेका थिए ।
ढुङ्गा हानेपछि प्रहरीले अश्रुग्याँस प्रहार गरेको थियो । तर पनि प्रदर्शनकारीले शान्तिपूर्ण गतिविधि नगरेपछि हवाई फायर गरेको हो ।
प्रतिक्रिया