काठमाडौं– दोर्दी खोला जलविद्युत कम्पनीले हकप्रद शेयर जारी गर्ने भएको छ । कम्पनीले यही चैत १९ गते मंगलबारदेखि १०० प्रतिशत हकप्रद शेयर जारी गर्ने भएको हो । 

कम्पनीले कम्पनीले १ः१ अनुपातमा १ करोड ५ लाख ४२ हजार ६ सय ४ कित्ता हकप्रद शेयर जारी गर्ने जानकारी दिएको छ । 

कम्पनीले १ सय अंकित मूल्यमा १ अर्ब ५ करोड ४२ लाख ६० हजार ४ सय रुपैयाँ बराबरको हकप्रद शेयर जारी गर्ने भएको छ । लगानीकर्ताले २०८२ वैशाख ८ गतेसम्म आवेदन दिन सक्ने कम्पनीले जानकारी दिएको छ । 

सानिमा क्यापिटल, सानिमा बैंकको तोकिएको शाखा र मेरो सेयरमार्फत आवेदन दिन सक्ने छन् । 

कम्पनीको हाल १ अर्ब ५ करोड ४२ लाख ६० हजार ४०० रुपैयाँ रहेको छ । हकप्रद पछि यसको पुँजी २ अर्ब १० करोड ८५ लाख २० हजार रुपैयाँ पुग्ने छ ।