काठमाडौं – नेपाल प्रिमियर लिग (एनपीएल) सिजन २ अन्तर्गतको बिहीबारको दोस्रो खेलमा पोखरा एभेन्जर्सविरुद्धको जनकपुर बोल्ट्सको ब्याटिङ संकटतिर धकेलिएको छ ।

१५६ रनको लक्ष्य पछ्याउँदै जवाफी ब्याटिङमा उत्रिएको जनकपुरले ३ ओभरको अन्तिम बलमा ४ विकेट गुमाएको हो । यो टिमले २८ रनको दयनीय अवस्थामा छ ।

चौथो विकेटका रुपमा माज सदाकत २० रन जोडेर आउट भए । उनी पोखराका सुमीत वर्माको बलमा क्याच आउट भएका हुन्  ।

तेस्रो विकेटका रुपमा जान निकोल लोफ्टी-इटन ६ बल खेलेर २ रन जोडेर आउट भए । उनी पनि वर्माकै बलमा आउट भएका हुन् । 

जनकपुरका ओपनर आशिफ शेख पहिलो ओभरको तेस्रो बलमा पहिलो विकेट रुपमा डक आउट भएका हुन् । दोस्रो विकेटका रुपमा  शुभ कंशकार ४ रन जोडेर आउट भएका हुन् । उनले २ बलमा एक चौका प्रहार गरे । यी दुवै पोखराका विपीन खत्रीको बलमा आउट भएका हुन् । 

टस हारेर जवाफी ब्याटिङमा उत्रिएको जनकपुरले १५६ रनको लक्ष्य पाएको छ ।