काठमाडौं – नेपाल प्रिमियर लिग (एनपीएल) सिजन २ अन्तर्गतको बिहीबारको दोस्रो खेलमा पोखरा एभेन्जर्सविरुद्ध जवाफी ब्याटिङमा उत्रिएको जनकपुरले पहिलो ओभरको पाँचै बलमा आइपुग्दा दुई विकेट गुमाएको छन् ।
जनकपुरका ओपनर आशिफ शेख पहिलो ओभरको तेस्रो बलमा पहिलो विकेट रुपमा डक आउट भएका हुन् ।
दोस्रो विकेटका रुपमा शुभ कंशकार ४ रन जोडेर आउट भएका हुन् । उनले २ बलमा एक चौका प्रहार गरे ।
जनकपुरका यी दुवै ब्याटर पोखराका विपिन खत्रीको बलको शिकार भएका हुन् ।
भरपर्दा सुरुवाती ब्याटरहरु गुमाएपछि पहिलो ओभरमा दोहोरो झट्का बेहोरेको जनकपुरको ब्याटिङ सुरुमै धर्मराएको देखिन्छ ।
टस हारेर जवाफी ब्याटिङमा आएको जनकपुरले १५६ रनको लक्ष्य पाएको छ ।
प्रतिक्रिया