काठमाडौं – नेपाल प्रिमियर लिग (एनपीएल) सिजन २ अन्तर्गतको बिहीबारको दोस्रो खेलमा जनकपुर बोल्ट्सविरुद्ध पोखरा एभेन्जर्सले लगातार चार विकेट गुमाएको छ ।
खेल १० ओभरको दोस्रो बलमा पुग्दा पोखराले ६४ रन जोड्दै ४ विकेट गुमाएको हो ।
चौथो विकेटका रुपमा जेम्स निशम सस्तैमा आउट भएका हुन् । उनले ३ बलमा १ रन जोडे ।
पहिलो विकेट लिन जनकपुरलाई सकस परेको थियो । ओपनरद्वय दिनेश खरेल र एडम रोसिंगटनले ६१ रनको बलियो साझेदारी गरे ।
८ ओभरको तेस्रो बलमा एडम १७ बलमा ३ चौकाको सहयोगमा २४ रन बनाएर आउट भए ।
त्यसपछि पोखराले लगालग विकेट गुमाएको हो । ८ ओभरकै चौथो बलमा दोस्रो विकेटका रुपमा कुशल भुर्तेल आउट भए । उनले १ बल सामना गर्दा रनको खाता खोल्न सकेनन् ।
९ ओभरको पाँचौँ बलमा ओपर दिनेश खरेल पनि आउट भए । उनले ३८ बलमा ३८ रन जोड्न २ चौका र ३ छक्का प्रहार गरे ।
जनकपुरका सञ्जयको बलमा एडम, कुशल र जिम्स आउट भएका हुन् । अनिश शाहले दिनेशलाई आउट गराएका हुन् ।
८ ओभरसम्म लयमा ब्याटिङ गरेको पोखरा त्यसपछि धर्मराएको छ । ८ ओभरपछिको २ ओभरमा ४ विकेट गुमाएको हो ।
प्रतिक्रिया