काठमाडौं– साताको अन्तिम दिन नेपाल स्टक एक्सचेञ्ज (नेप्से) १०.४३ अंकले बढेको छ ।
बिहीबार ६ अर्ब ६६ करोड २३ लाख ८३ हजार रुपैयाँको सेयर कारोबार हुँदा नेप्से बढेर २६७६.०३ अंकमा पुगेको हो ।
आजको सेयर कारोबारमा १३१ वटा कम्पनीको सेयर मूल्य बढ्यो भने १२१ वटा कम्पनीको सेयर मूल्य घट्यो । तर, आजको सेयर कारोबारमा ६ वटा कम्पनीको मूल्य भने स्थिर रहेको छ ।
आज नेप्सेमा सागर डिस्ट्रिलरीको सेयर बिक्री गर्नेले सबैभन्दा धेरै नाफा आर्जन गरे भने हिमस्टार कम्पनीको सेयर बिक्री गर्नेले सबैभन्दा धेरै घाटा व्यहोरे ।
आज नेप्से बढेसँगै वित्त, उत्पादन तथा प्रशोधन, लघुवित्त, अन्य र व्यापार बाहेक सबै समूहको उपसूचक वृद्धि भएको छ ।
प्रतिक्रिया